హరికాంబోజి రాగం తిశ్రగతి తాళం
పల్లవి
సక్కనోడు ఒక్కడంట గోవిందుడే తానంట
చూడ చూడ ముచ్చటంట గోవిందుని రూపమంట 2 సార్లు
1 వ చరణం
గోవర్ధన మెత్తినోడు గోవుల్ని కాచినోడు
గోవిందుని పేరు దాల్చి తిరుమలగిరి కొచ్చినోడు
కూర్చొనక నిలుచుండే ఏడుకొండల వెంకటయ్య 2 సార్లు
2 వ చరణం
శంఖు చక్రం చేతబట్టి ప్రేమ మీర అభయమిస్తు
నీవు నన్ను శరణు అంటే నిన్ను నేను బ్రోచునంటు
సత్యమంటు పలుకువాడు ఏడుకొండల వెంకటయ్య 2 సార్లు
3 వ చరణం
సద్ది బువ్వ సంకనెట్టి ముల్లు కర్ర సేతబట్టి
ఆలమందు తోలుకొంటు పదమునేను పాడుతుంటే
కదము తొక్కు తొచ్చు వాడు ఏడుకొండల వెంకటయ్య 2 సార్లు
4 వ చరణం
పూజలన్నీ చేయలేను పప్పు లొండి పెట్టలేను
ఆవు పాలు తెచ్చి నీకు బొజ్జ నిండా నింపుతాను
కాదనక తాగవయ్య ఏడుకొండల వెంకటయ్య 2 సార్లు
5 వ చరణం
బాల రత్నమ్మ అంట నిన్ను నమ్మి ఉన్నదంట
పదములన్ని రాసుకుంటు ఎదురు చూసు చున్నదంట
మారాము చేయకయ్యా ఏడుకొండల వెంకటయ్య 2 సార్లు
పల్లవి
సక్కనోడు ఒక్కడంట గోవిందుడే తానంట
చూడ చూడముచ్చటంట గోవిందుని రూపమంట 2 సార్లు